Calicut ൽ ഒരു പരിപാടി കഴിഞ്ഞ് ഇറങ്ങിയപ്പോൾ ട്രെയിൻ മിസ്സായി, ലോ ഫ്ലോറിൽ വരാമെന്ന് തീരുമാനിച്ചു. വണ്ടിയിൽ കയറിയിരുന്നപ്പോൾ തൊട്ടടുത്ത് ഒരു സുന്ദരിക്കുട്ടി ഇരിക്കുന്നുണ്ട് ഓപ്പോസിറ്റ് ഒരു ഫാമിലിയും. സുന്ദരിക്കുട്ടിയുടെ ഭാവത്തിൽ എന്താണ് ഈ ലോകം എങ്ങനെ? എന്താ ഈ വണ്ടി ഇങ്ങനെ എന്ന ഭാവത്തിലാണ് ഇരിക്കുന്നത് . പഴയ ഒരു TV ഷോയിൽ അബി പറഞ്ഞ ഒരു തമാശയാണ് പെട്ടെന്ന് ഓർമ്മ വരുന്നത് … എനിക്ക് ‘ ഋ ‘എന്ന പറഞ്ഞ അക്ഷരം ഇഷ്ടമല്ല. കാലിക്കറ്റിൽ നിന്ന് ഫ്ലൈറ്റിൽ പോകാമായിരുന്നു. ‘കാശില്ലാത്തതുകൊണ്ടാണ് ‘എന്ന മട്ടിലാണ് ഇരിക്കുന്നത് ! ‘ അമ്മാവാ… ‘ എന്ന വിളി വരുമെന്ന് ഭയത്താൽ ആ ഭാഗത്തേക്ക് അധികം നോക്കിയില്ല . നമ്മളിൽ ഒരു തന്തവൈവ് തോന്നുന്നു ഉണ്ടാകുമല്ലൊ! എതിരെ ഒരു കൊച്ചു ഫാമിലി 25 - 30 നും ഇടയിൽ പ്രായമുള്ള രണ്ട് മെമ്പേഴ്സ് ഒരു ചെറിയ മോളുണ്ട് കൂടെ. ഭർത്താവ് എന്തൊക്കെയോ ഭാര്യയെ നോക്കി പറയുന്നുണ്ട് അല്പം ഉച്ചത്തിൽ തന്നെ പക്ഷേ എളിമയോടെ കേട്ടുകൊണ്ട് വളരെ സമാധാനപൂർവ്വം അവനോട് സംസാരിച്ചുകൊണ്ട് വളരെ പക്വതയാർന്ന ഒരു സ്ത്രീ . സംസാരം ശ്രദ്ധിച്ചില്ല അല്പം ക്ഷീണം ഉള്ളതുകൊണ്ടുതന്നെ മയക്കത്തിലേക്ക് പോയി കണ്ണു തുറന്നപ്പോൾ വണ്ടി ഒരു ഹോട്ടലിനു മുന്നിൽ നിൽക്കുകയാണ് സാധാരണ ഇതുവരെയും കെഎസ്ആർടിസി നിൽക്കുന്നത് ഏതെങ്കിലും ഒരു സാധാരണ ഹോട്ടലിൽ അല്പം വൃത്തി കുറവ് തോന്നിയിരുന്നു അതുകൊണ്ടുതന്നെ ഇറങ്ങാറില്ല ഇവിടെ മറിച്ച് നല്ല ഒരു ഹോട്ടൽ, തീരുമാനിച്ചു ഇറങ്ങാം വീട്ടിൽ ഭക്ഷണമുണ്ട് ഭാര്യ വിളിച്ചു പറഞ്ഞിരുന്നു, എന്നാലും ലൈറ്റ് ആയിട്ട് എന്തെങ്കിലും കഴിക്കാം കഴിക്കാൻ ഓർഡർ ചെയ്തു നിൽക്കുമ്പോൾ നല്ല ഒരു പാട്ട് ഒഴുകി വരുന്നുണ്ട് പഴയ പാട്ടുകൾ. ഇഷ്ടമുള്ള പാട്ടുകൾ മെലഡീസ്… ഓ… പ്രിയേ… ഹംസ… ഫൽ (Hindi) പുഞ്ചിരി … തഞ്ചും … നല്ല രസമുള്ള സ്വരം, പക്ഷേ ഒറിജിനൽ കേസറ്റ് അല്ല ! വേറെ ആരോ പാടിയതാണ്… അല്ല അവിടെ ഇരുന്ന് ഒരാൾ പാടുകയാണ്… അതെ ഇത് കണ്ണൻ നീലാംബരി ഒരു നല്ല ഗായകൻ ശബ്ദത്തിനേക്കാൾ അപ്പുറത്ത് , വളരെ കൂളായി പതിഞ്ഞ സ്വരത്തിൽ അദ്ദേഹം പാടിക്കൊണ്ടിരിക്കുകയാണ് ആരേയും ശ്രദ്ധിക്കുന്നൊന്നുമില്ല , പക്ഷേ ആളിങ്ങനെ പാടിക്കൊണ്ടിരിക്കുന്നു രണ്ടുമൂന്നു പാട്ടുകൾ ഞാൻ കേട്ടു എനിക്ക് എന്തോ സംസാരിക്കണം എന്ന് തോന്നി ഞാൻ പോയി സംസാരിച്ചു. പ്രോഗ്രാമുകളെല്ലാം ഉണ്ട് ഒഴിവ് ദിവസങ്ങളിൽ ഇവിടെ വന്ന് പാട്ടുപാടുന്നു . സന്തോഷമായിട്ട് ജീവിക്കുന്നു .വളരെ സ്നേഹത്തോടെ ഞാൻ അദ്ദേഹത്തിന്റെ കൂടെ നിന്ന് ഒരു ഫോട്ടോയും എടുത്ത് തിരിച്ചു വണ്ടിയിൽ കയറി. ഒരു നല്ല ക്ഷീണം മാറിയ ഒരു ഉത്സാഹം ചായകുടിച്ചതിനേക്കാൾ അപ്പുറത്ത് ഉണ്ടായി താങ്ക്യൂ Kannan. -JP കണ്ണൻറെ നമ്പർ ഉണ്ട് ഫ്ലക്സിൽ വേണമെങ്കിൽ ഉപയോഗിച്ചുള്ളൂ നന്നായിട്ട് നിങ്ങൾക്ക് ആസ്വദിക്കാം!

കേരളത്തിൽ ബിസിനസ്സുകൾ നിന്നു പോകുന്നതിന് ചില കാരണങ്ങൾ ? കേരളത്തിലെ പല ബിസിനസ്സുകളും ദീർഘകാലം നിലനിൽക്കാതെ അവസാനിക്കുന്നതിന് പിന്നിൽ നിരവധി ഘടകങ്ങളുണ്ട് തരംതിരിച്ച് വിശദീകരിച്ചിരിക്കുന്നു: 1. No planning / Direction Accidental Businessman : പല ബിസിനസ്സുകളും യാദൃശ്ചികമായി തുടങ്ങുന്നു. വിപണി പഠനമോ ദീർഘദർശനമോ ഇല്ലാതെ. Fear of Blaming / Ego : ചില ബിസിനസ്സുകൾക്ക് ഇനി വിപണിയിലൊരു ഭാവിയില്ലെങ്കിലും, ഉടമകൾ അഹങ്കാരത്താലോ ഭയം കൊണ്ടോ മാറ്റമോ നിർത്തലാനൊ തയ്യാറാകാറില്ല. I don’t want to be an Employee : ജോലി ചെയ്യാൻ താല്പര്യമില്ലാത്തവർ പലപ്പോഴും സംരംഭം തിരഞ്ഞെടുത്തെങ്കിലും അവർക്കും ആവശ്യമായ കഴിവോ മനസ്സിലാക്കലോ ഉണ്ടാകാറില്ല. 2. Fixed Mindset No Updation: പല സംരംഭങ്ങളും പഴയ ആശയങ്ങളിൽ തന്നെ തങ്ങി നിൽക്കുന്നു. പുതിയ ട്രെൻഡുകൾ സ്വീകരിക്കുന്നില്ല. No Growing Mindset: മാറ്റങ്ങൾ സ്വീകരിക്കാൻ തയ്യാറാകാത്ത മനോഭാവം, വളർച്ചയെ തടയുന്നു. സേവനങ്ങളുടെയും ഉൽപ്പന്നങ്ങളുടെയും പുതുക്കൽ ഇല്ല: കാലാകാലങ്ങളിൽ വിപണി ആവശ്യങ്ങൾക്കനുസരിച്ച് മാറ്റങ്ങൾ വരുത്തുന്നില്ല. 3. Photocopy Business. No USP : ബിസിനസ്സുകൾ തമ്മിൽ അധികവും ഒരേ പോലെയുള്ള സേവനങ്ങളോ ഉൽപ്പന്നങ്ങളോ വാഗ്ദാനം ചെയ്യുന്നു. No Niche: ഓരോരുത്തരും എല്ലാവർക്കും സേവനം / ഉൽപ്പന്നം നൽകാൻ ശ്രമിക്കുന്നു – അതിന്റെ ഫലമായി ഒരാളെയും ആകർഷിക്കാൻ കഴിയുന്നില്ല. Old Business Copy : നിലവിലുള്ള സംരംഭങ്ങളെ പകർന്നു മാത്രം നടത്തിയാൽ, ഉപഭോക്താക്കൾ കാണാനായി വരും, വാങ്ങാനല്ല. 4. No Finance / Operation strategies Financial Discipline : “ these all are my money “ ലാഭം, ചെലവുകൾ, വരുമാനം തുടങ്ങിയവയ്ക്ക് വ്യക്തമായ പ്ലാൻ ഇല്ല. . പരാജയപ്പെടുന്ന മാർക്കറ്റിംഗ്: മാർക്കറ്റിംഗ് ശ്രമങ്ങൾ പലയിടത്തായി print / visual / social media ചിതറിയിരിക്കുന്നു. മെച്ചപ്പെട്ട ഫലമില്ലാതെ ചെലവേറിയ രീതികൾ. No customer centric Approach : ഉപഭോക്താവിന്റെ മാറ്റുന്ന ആവശ്യങ്ങൾ മനസ്സിലാക്കുകയോ അതിനനുസരിച്ച് പ്രവർത്തിക്കുകയോ ചെയ്യുന്നില്ല. 5. Employee, Employer Issues തലമുറ ഏറ്റുമുട്ടലുകൾ: പഴയ തലമുറ സംരംഭകരും പുതിയ തലമുറ ജീവനക്കാരും തമ്മിൽ, അതുപോലെ പുതിയ സംരംഭകരും പഴയ ജീവനക്കാരും തമ്മിലുമുള്ള conflicts. No Leadership / No mentorship : “ I know everything attitude “ ലിഡർഷിപ്പ് വളർത്താൻ താത്പര്യമുള്ളവരും അതിൽ പങ്കാളികളാകാൻ തയ്യാറാകുന്നവരും കുറവാണ്. No Team: പ്രതിബദ്ധതയുള്ള, പ്രേരിതമായ ടീമുകൾ നിർമ്മിക്കാൻ ബിസിനസ്സുകൾക്ക് സാധിക്കാറില്ല. 6. വിപണിയുടെയും മത്സരത്തിന്റെയും സമ്മർദ്ദങ്ങൾ കഠിനമായ മത്സരം: പുതിയ സംരംഭങ്ങളും ആശയങ്ങളും പതിവായി എത്തുമ്പോൾ പഴയ സംരംഭങ്ങൾക്ക് നിലനിൽക്കാൻ പ്രയാസം. മൾട്ടി നാഷണൽ കമ്പനികളുടെ കടന്നുവരവ്: വലിയ ബ്രാൻഡുകളും MNC-കളും വിപണിയിൽ ഒറ്റതലത്തിൽ എല്ലാ സേവനവും നൽകുന്നു, ഉപഭോക്താക്കളെ ആകർഷിക്കുന്നു. ടെക്‌നോളജിയുടെ വളർച്ച: ഓൺലൈൻ സാന്നിധ്യവും ഡിജിറ്റൽ സംവിധാനങ്ങളുമില്ലാതെ തുടരുന്ന ബിസിനസ്സുകൾ പിന്നിലാവുന്നു. 7. ഉപഭോക്താക്കളുടെ പെരുമാറ്റം മാറുന്നു വിദ്യാഭാസമുള്ള ഉപഭോക്താക്കൾ: ഇന്ന് ഉപഭോക്താക്കൾക്ക് ഓപ്ഷനുകൾ കൂടുതലാണ്. അവർ രാഷ്‌ട്രീയബോധമുള്ളവരുമാണ്. ബ്രാൻഡ് വിശ്വസ്തതയുടെ കുറവ്: ഇപ്പോഴത്തെ ഉപഭോക്താക്കളെ ( Loyal customers ) ഒരുവേള ആവർത്തിച്ച് ആകർഷിക്കാൻ സാധിക്കുന്നില്ല. ആവശ്യങ്ങൾ സ്ഥിരമായി മാറുന്നു: ഉപഭോക്താവിന്റെ ആശയവും ആവശ്യങ്ങളും സൂക്ഷ്മമായി നിരീക്ഷിച്ച് അതനുസരിച്ച് ചേരുന്നവരാണ് വിജയിക്കുക. ഒരു ബിസിനസ്സിനെ 20 വർഷം അല്ലെങ്കിൽ അതിനുമപ്പുറം നിലനിർത്തണമെങ്കിൽ, മാറ്റങ്ങൾക്ക് തയ്യാറായിരിക്കണം, പഠനം തുടരണം, ഉപഭോക്താവിനേയും ടെക്‌നോളജിയേയും മനസ്സിലാക്കണം. പഴയ മോഡൽ പിന്തുടരുന്ന മനോഭാവത്തിൽ നിന്നും പുതിയ ബിസിനസ് ചിന്തയിലേക്ക് മാറിയാൽ മാത്രമേ ദീർഘകാലം വിജയിക്കാൻ സാധിക്കൂ. - JP

YES.., അതെ ഇത് പി.സി. തോമസ് “ പി. സി. തോമസ് “ എന്ന ബ്രാൻഡിൽ ഇന്ന് രാജ്യത്തിനകത്തും പുറത്തുമായി നിരവധി പ്രൊഫഷണലുകളെ സൃഷ്ടിച്ച ഒരു വലിയ ബ്രാൻഡ്. അടിയും തിക്കും തിരക്കും നിരവധി അനുസരണക്കേടും നിലനിന്നിരുന്ന ഒരു കാലഘട്ടത്തിൽ അച്ചടക്കത്തോടെ വളർന്നാൽ മാത്രമേ പഠിക്കൂ എന്ന സിദ്ധാന്തം ഉപയോഗിച്ച് ഈ ലോകത്തേക്ക് കൂറേ പ്രഗൽഭരെ സൃഷ്ടിച്ച മഹാ വ്യക്തി. ഇന്ന് gen z, gen alpha മുതലായ പുതു തലമുറകളുടെ മാറ്റത്തിന് അനുസരിച്ച് അച്ചടക്കത്തിലൂടെ അല്ലാതേയും പഠിപ്പിക്കണമെന്ന് തോന്നലുള്ള സമൂഹം വന്നപ്പോൾ അതിനനുസരിച്ച് മാറ്റങ്ങളെ ഉൾക്കൊണ്ട്, എന്നാൽ കർമ്മ മേഖലയിൽ ഇന്നും തൻ്റെ സാന്നിധ്യം 87 ലും പ്രവർത്തിച്ചുകൊണ്ടിരിക്കുന്ന ഒരു നല്ല വ്യക്തിത്വം. രാവിലെ നേരത്തെ എണീക്കുന്നു ഫ്രഷായതിനുശേഷം പള്ളിയിലേക്ക് , മെഡിറ്റേഷൻ , ഏഴുമണിക്ക് ഭക്ഷണം, രണ്ട് പത്രം വായന , ഓഫീസിലേക്ക് , സ്വന്തമായി നടത്തിക്കൊണ്ടുപോകുന്ന സ്കൂളിലേക്ക് കൃത്യമായ ദിനചര്യയോടെ കൃത്യതയോടെ സമയത്തിന് എത്തിക്കൊണ്ടിരിക്കുന്നു. കയ്യിൽ 600 രൂപയുടെ ഒരു കീപാഡ് ഫോൺ ഭക്ഷണം ഗോതമ്പ് കഞ്ഞി വളരെ ലളിതമായ ഭക്ഷണരീതി വെള്ളം ധാരാളം കഴിക്കും ഇപ്പോഴും രണ്ടുനില വരെ കൃത്യമായി കയറാൻ ഒരു പ്രയാസവുമില്ല. വാഹനം ഓടിക്കുന്ന ഒരു സാരഥിയും കൂടെയുണ്ട് ഈ ദിനചര്യ രാത്രി വരെ നീളുന്നു. ഞാൻ ഒരുക്കിക്കൊണ്ടുപോയ മോഡ്യൂളുകളെ വെറും 10 മിനിറ്റ് കൊണ്ട് ടീച്ചേഴ്സിന് അവതരിപ്പിച്ചുകൊണ്ട് അദ്ദേഹം പോയി. ഞാൻ ഞെട്ടിപ്പോയി സുഹൃത്തുക്കളെ. അദ്ദേഹം പറഞ്ഞ വാക്കുകളെ ഞാൻ ഇവിടെ കുറിക്കട്ടെ. 1. ടീച്ചിംഗ് ഒരു നോബിൾ പ്രൊഫഷനാണ്. 2. പഠിച്ചുകൊണ്ടിരിക്കണം. പഠിപ്പിച്ചു കൊണ്ടിരിക്കണം. 3. നിങ്ങളുടെ മേഖലയിൽ നിങ്ങൾ നമ്പർ വൺ ആയിരിക്കണം, ഇത് നിങ്ങളുടെ സ്ഥാപനമാണ്. 4. കൃത്യമായ അച്ചടക്കം സ്ഥാപനത്തിൽ വേണം കുട്ടികൾ സംസാരിക്കണം, പക്ഷേ ഇവിടെ സംസാരിക്കണം എന്ന് നിങ്ങൾ തീരുമാനിക്കണം. 5. ഒരുമയുണ്ടായിരിക്കണം. പെണ്ണുങ്ങൾ ആയതുകൊണ്ട് ഒരുമ കുറയരുത് ! ടീച്ചേഴ്സിന്റെ മുൻപിൽ ആളാകാൻ കുറേ ജാർഗൺസ് പോയിന്റുകളുമായി പോയ എന്നെ ചെരുപ്പുകുത്തിയുടെയും കുട നന്നാക്കുന്നവന്റെയും കഥകൾ പറഞ്ഞുകൊണ്ട് 10 മിനിറ്റ് കൊണ്ട് ആള് സ്ഥലം വിട്ടു ! ഞാൻ നാലു മണിക്കൂർ class എടുത്തിട്ടും അതിനടുത്ത് എത്താൻ കഴിഞ്ഞില്ല… റിയൽ ഹീറോ ! You are great, the real ‘GOAT’ ‘ആളുകൾ മറക്കും, മറന്നേക്കാം പക്ഷേ കാലം മറക്കില്ല ! കാലത്തിന് ഒരുപാട് സംഭാവനകൾ ചെയ്തവരെ കാലം മറക്കില്ല. തീർച്ച. -jp

“ ഒരോ വ്യക്തിയും വ്യത്യസ്തരാണ്. കുട്ടികളിലെ വ്യത്യസ്തത കണ്ടെത്തി, അവരെ സാമൂഹിക പ്രതിബദ്ധതയുള്ള പൗരന്മാരാക്കി മാറ്റുക എന്നതാണ് സ്കൂളിൻറെ ധർമ്മം.” അതെ ഇത് മണപ്പുറം ഫിനാൻസ് സ്ഥാപനത്തിൻറെ സിഇഒ എംഡി ആയിട്ടുള്ള ശ്രീ P.V നന്ദകുമാർ അവർകളുടെ വാക്കുകളാണ്. അതെ ഏകദേശം 55,000 ത്തോളം ജീവനക്കാരുമായി പാൻ ഇന്ത്യയിൽ നിറഞ്ഞുനിൽക്കുന്ന മണപ്പുറം ഫിനാൻസ് എന്ന സ്ഥാപനത്തിൻ്റെ എംടിയുടെ വിഷൻ അനുസരിച്ച് പ്രവർത്തിക്കുന്ന ഒരു ഇന്റർനാഷണൽ സ്കൂൾ Manapuram Geetha Ravi Public School, മണപ്പുറത്ത് സ്ഥാപിതമാണ് . അദ്ദേഹത്തിൻറെ സഹോദരിയുടെ ഓർമ്മയ്ക്കുവേണ്ടി ഒരുക്കിയിരിക്കുന്ന ഈ ഇൻറർനാഷണൽ തലത്തിലുള്ള സ്കൂൾ, ഇന്നത്തെ തലമുറയിലെ കുട്ടികളെ അവരുടെ കഴിവിനെ അനുസരിച്ച്, വിപുലമായ സാധ്യതകളിലേക്ക് എത്തിക്കാൻ ഉതകുന്ന ഒരുപാട് ആക്ടിവിറ്റികളിലൂടെ ഒരുക്കിയിരിക്കുന്ന ഈ സ്ഥാപനത്തിൻറെ അഡ്വൈസറി ബോർഡിലേക്ക് എന്നെ തിരഞ്ഞെടുത്തതിനുള്ള സന്തോഷം അറിയിക്കുന്നു. ഈ സ്ഥാപനവും അതിനോട് അനുബന്ധിച്ച് അതിലൂടെ ഒരുപാട് നല്ല സമൂഹത്തിനെ വാർത്തെടുക്കാൻ ഈ സ്ഥാപനത്തിന് കഴിയട്ടെ എന്ന് ആശംസകളോടൊപ്പം തന്നെ പ്രത്യേകം നന്ദി ഞാൻ സ്കൂൾ ഭാരവാഹികളോടും പ്രത്യേകിച്ചും നന്ദകുമാർ സാറിനോടും പറഞ്ഞുകൊള്ളുന്നു. താങ്ക്യൂ.

ഇത് “ റഹ്മാൻ, മുഴുവൻ പേര് എനിക്കറിയില്ല വെസ്റ്റ് ബംഗാളുകാരൻ ആണ്. പമ്പിലെ ജീവിക്കാരനാണ്. ഇദ്ദേഹത്തിൻറെ പമ്പിൽ ( ഇങ്ങനെ പറയാലോ കാരണം നമ്മുടെ റൂട്ടിലോടുന്ന ബസ് വരുമ്പോൾ എൻറെ ബസ് വന്നു എന്നല്ലേ നമ്മൾ പറയാറ് ) നിന്നാണ് കാലങ്ങളായി പെട്രോൾ അടിക്കുന്നത്. പെട്രോൾ പമ്പ് പൊതുവേ നമുക്ക് ഇഷ്ടമില്ലാത്ത സ്ഥലമാണ് കാരണം പണവും സമയം പോകുന്ന സ്ഥലമാണ് അതുകൊണ്ടുതന്നെ ഇവിടെയുള്ള ആളുകളെയും കാര്യമായി ഗവനിക്കാറില്ല. പക്ഷേ ഇദ്ദേഹം ഏകദേശം ആറു വർഷത്തോളമായി എന്നോട് സംസാരിക്കാൻ ശ്രമിക്കുന്നു. ഹിന്ദിയിലാണ്. എനിക്കറിയാവുന്നത് ഒന്നുമാത്രം “മുജെ ഹിന്ദി മാലും നഹി” “ 2000 രൂപയ്ക്ക് പെട്രോൾ “, ഫുൾടാങ്ക് പെട്രോൾ , എന്ന തരത്തിൽ മലയാളത്തിലായി പിന്നെ പിന്നെയുള്ള സംസാരം! കഴിഞ്ഞദിവസം എന്നെ അത്ഭുതപ്പെടുത്തിക്കൊണ്ട് അദ്ദേഹം ഇംഗ്ലീഷിൽ ഒരു ഡയലോഗ്, ഞാൻ ശരിക്കും ഞെട്ടിപ്പോയി. വളരെ വടിവൊത്ത രീതിയിൽ ഇംഗ്ലീഷ് സംസാരിക്കുന്നു. ഒരു സെന്റെൻസ് മുഴുവനായും അദ്ദേഹം എന്നോട് പറഞ്ഞു. ഒരു അവധിക്കാലത്ത് അദ്ദേഹം അദ്ദേഹത്തിൻറെ മകനെ അവിടെ കൊണ്ടുവന്നിരുന്നു, പമ്പിൽ നിർത്തിയിരുന്നു അതുകണ്ട് ഞാൻ എൻറെ ഇംഗ്ലീഷിൽ ഞാൻ ചോദിച്ചു മകൻ എന്താ ചെയ്യുന്നത്? അവൻ ഇവിടെ നിർത്തണ്ട, “ അവൻ പോയി പഠിക്കട്ടെ “ എന്ന് ഞാൻ പറഞ്ഞിരുന്നു. ഈ ഓർമ്മയിൽ അദ്ദേഹത്തിൻറെ മകൻ ഇപ്പോൾ ചെയ്തുകൊണ്ടിരിക്കുന്ന കാര്യങ്ങൾ എന്നോട് പറഞ്ഞതാണ്. ഇംഗ്ലീഷിൽ നല്ല മാർക്കോടെ അവൻ സ്കൂളിൽ top ആണ് എന്നാണ് പറഞ്ഞത്. എന്താല്ലേ… മലയാളം സംസാരിക്കും, ഇംഗ്ലീഷ് ഗുസ്തി, ഹിന്ദിയോ ഒട്ടുമറിയില്ല ഇതാണ് നമ്മുടെ സംസ്കാരം. അവിടെ വന്ന് തന്റെ ഭാഷയ്ക്ക് പകരം പുതിയ രണ്ടു ഭാഷ പഠിച്ചു കൊണ്ട് ചെറിയ സമയം കൊണ്ട് മറ്റുള്ളവരെ പരിചയപ്പെടാനും അറിയാനും അറിയിക്കാനും ഉത്സാഹം ഉള്ള റഹ്മാൻ എനിക്ക് വല്ലാത്ത ഇഷ്ടം തോന്നി. -jp

“ ഒരു പോലീസ് സ്റ്റേഷനിൽ എത്തുന്നവരിൽ പകുതിയെ മാത്രമേ തൃപ്തിപ്പെടുത്താൻ കഴിയുള്ളൂ “ ഇത് ഒരു പോലീസ് ഉദ്യോഗസ്ഥന്റെ വാക്കുകളാണ്. ക്ലാസ് എടുക്കുന്നതിന് മുൻപ് പോലീസ് അനുഭവിക്കുന്ന മാനസിക സംഘർഷത്തിനെ പറഞ്ഞു മനസ്സിലാക്കിയതാണ്. പോലീസ് സ്റ്റേഷനിൽ എത്തുന്നവരിൽ വാദിയും പ്രതിയും ഉണ്ടായേക്കാം. അതുപോലെതന്നെ ഉപയോഗിക്കുന്ന മറ്റൊരു വാചകമാണ് “ ഇവിടെ 30,000 ത്തോളം പേരെ പാർപ്പിക്കാനുള്ള ജയിലുകളെ ഉള്ളൂ “ അതിനർത്ഥം മൂന്നര കോടി ജനത്തിനെയും കുറ്റവാളികളായി കാണരുത് എന്ന താക്കീത് പോലീസിന് നൽകണമെന്നും പറയാറുണ്ട്. പറയാൻ എളുപ്പമാണ് മൂന്നരക്കോടിയിൽ നിന്ന് 30,000 ത്തിനെ മാറ്റി നിർത്താൻ നല്ല പ്രയത്നം ആവശ്യമാണ്. ഈ തൊഴിൽ മേഖലയെക്കാൾ കാഠിന്യം കുറച്ചുകൂടി കടുപ്പമുള്ള മറ്റൊരു മേഖലയാണ് ഹോസ്പിറ്റൽ. ഹോസ്പിറ്റൽ വരുന്നവരിൽ ഭൂരിഭാഗവും അവരുടെ സാധാരണയുള്ള ജീവിതരീതിയെ മാറ്റിവന്ന അതിഥിയെ ശരീരത്തിൽ നിന്ന് ഒഴിവാക്കാൻ വരുന്നവരാണ് അവർ നല്ല മൂഡിൽ ആയിരിക്കുകയില്ല. ഇവിടെ ആരെയും സന്തോഷപ്പെടുത്താൻ കഴിയണമെന്നില്ല, നേരെമറിച്ച് അവരെ സാധാരണ ജീവിതത്തിലേക്ക് തിരികെ എത്തിക്കാൻ ഹോസ്പിറ്റലിന് കഴിഞ്ഞേക്കാം. ഇവിടെ ഹോസ്പിറ്റലുകൾ ശ്രദ്ധിക്കേണ്ട പ്രധാന മൂന്നു കാര്യങ്ങൾ അതിനെ എളുപ്പം പറയാൻ വേണ്ടി TTC എടുക്കാം ! Time : നേരത്തെ പറഞ്ഞു പ്രതീക്ഷിക്കാതെ വന്ന അതിഥിയാണ്. അത് എന്റെ സാധാരണ ജീവിതരീതിയെ തടസ്സപ്പെടുത്തുന്നുണ്ട് , എൻറെ പ്രധാനപ്പെട്ട സമയം നഷ്ടമാകുന്നുണ്ട്. ഇവിടെ ആവശ്യമില്ലാതെ സമയം കളയുന്നുണ്ട് എന്ന് തോന്നൽ കൊടുക്കാതിരിക്കാൻ ഹോസ്പിറ്റലിന് കഴിയണം. എത്രയും വേഗം സുഖം പ്രാപിച്ചു വിടാനുള്ള ഒരു വ്യഗ്രത ഞങ്ങളിലും ഉണ്ട് എന്ന തോന്നൽ കൊടുക്കാൻ ഹോസ്പിറ്റലിൽ കഴിയണം വെറുതെ കിടത്തി സമയം കളയുന്നില്ല എന്ന് ഉറപ്പുവരുത്തണം. Trust : എൻറെ സാധാരണ അറിവിന്റെ ലോകത്തുള്ള കാര്യമല്ല ശരീരത്തിന്റെ ശാസ്ത്രം. എൻറെ അജ്ഞതയെ അറക്കുന്നു, എൻറെ സമ്പത്തിനെ അധ്വാനത്തിനെ പിഴിയുന്നു എന്ന തോന്നൽ നൽകുന്ന തരത്തിലുള്ള പെരുമാറ്റങ്ങളെ ഹോസ്പിറ്റലുകൾ ഒഴിവാക്കേണ്ടിയിരിക്കുന്നു. ഇവിടെ അല്പം കൂടുതൽ എഴുതേണ്ടിവരും ! ഇന്ന് ശാസ്ത്രം വളരെ വലുതാണ് ! സാങ്കേതിക വിദ്യകളും വളരെയധികം മെച്ചപ്പെട്ടിരിക്കുന്നു അതായത് പുറമേ നിന്ന് നോക്കുന്നതിനേക്കാൾ കൂടുതൽ അകത്ത് ഉള്ളിൽ ചെന്ന് നോക്കാൻ കഴിവുള്ള ആധുനിക ശാസ്ത്രം വളർന്നിരിക്കുന്നു ഈ കാലഘട്ടത്തിൽ ഡോക്ടേഴ്സ് പുറമേനിന്ന് അസുഖങ്ങളെ നിയന്ത്രിക്കുന്നതിനേക്കാൾ നമുക്ക് സാങ്കേതികവിദ്യകളെ ഉപയോഗിച്ച് രോഗനിയന്ത്രണം കൃത്യമാക്കാൻ കഴിയും. എന്നാൽ പണ്ട് അങ്ങനെ ആയിരുന്നില്ല പുറമേ നിന്നു തന്നെ രോഗത്തെ നിർണയിക്കാൻ കഴിയുമായിരുന്നു അതിനർത്ഥം അവരെല്ലാം സുഖപ്പെട്ടു എന്ന് അർത്ഥമില്ല. ഒരു കുടുംബത്തിൽ നാലോ അഞ്ചോ മക്കളുണ്ടായിരുന്നു അവരെല്ലാവരും ജീവിച്ചിരുന്നു അവസാന കാലഘട്ടം വരെ എന്ന് നമുക്കറിയില്ല എന്നാൽ ഇന്ന് രണ്ടുമക്കളെ ഉള്ളൂ അതുകൊണ്ടുതന്നെ എല്ലാവരുടെ ജീവനും വളരെ പ്രാധാന്യമുണ്ട് എന്നതിനാൽ ജീവൻ നിലനിർത്താൻ ഏത് അറ്റം വരെ പോകാം എന്നതിന്റെ ഭാഗമായി കൂടുതൽ വ്യക്തത രോഗ നിർണ്ണയത്തിൽ തന്നെ കൊണ്ടുവരേണ്ടതുണ്ട് എന്നതിനാൽ തന്നെ ഡോക്ടേഴ്സ് എക്സ്റ്റേണൽ ഇന്റേണൽ ഡയഗനൈസിങ്ങ് രീതികൾ ഉപയോഗിക്കുന്നു. ഇവിടെ ചൂഷണം ചെയ്യപ്പെടുന്നുണ്ടോ ? അല്ലെങ്കിൽ ഹോസ്പിറ്റലിന്, ഡോക്ടേഴ്സിന് പണത്തിനോട് ആർത്തി ഉണ്ടോ ? അത് നമ്മളെ ബാധിക്കുന്നുണ്ടോ ? എന്ന് തോന്നൽ പൊതുജനത്തിനുണ്ട് ! ഇവിടെ വിശ്വസ്തത നിലനിർത്താൻ പല ഹോസ്പിറ്റലുകൾക്കും കഴിയുന്നില്ല എന്നത് വളരെ അധികം യാഥാർത്ഥ്യമാണ്. ആശങ്കകൾ നിലനിൽക്കുമ്പോൾ തന്നെ, ഒരു പൈസ പോലും അനാവശ്യമായി ഹോസ്പിറ്റലുകൾ എടുക്കില്ല ഡോക്ടേഴ്സ് എടുക്കില്ല എന്നു പറയുന്ന തരത്തിലുള്ള ഒരു വിശ്വസ്തത ആർജിക്കാൻ ഹോസ്പിറ്റലുകൾക്ക് കഴിയണമെന്നത് വളരെ വലിയ ഒരു വസ്തുതയാണ്. Communication : ശരീരം എനിക്ക് പ്രധാനപ്പെട്ടതായതുകൊണ്ട് തന്നെ എൻറെ അതിഥിയെ എന്തെന്നറിയാനുള്ള ആകാംക്ഷ എൻറെ അറിവുകളെ കൂട്ടാൻ ഞാൻ ശ്രമിക്കും, താൽക്കാലികമായി. മാതാപിതാ ഗൂഗിൾ ദൈവം എന്ന നിലയിൽ സാഹചര്യങ്ങൾ നിലനിൽക്കുമ്പോൾ എൻറെ രോഗത്തിനെ കുറിച്ച് അറിയാനുള്ള ആകാംക്ഷ ഒരുപാട് നെഗറ്റീവ് ചിന്തകളോടെ എൻറെ അറിവിനെ കൂട്ടിയിരിക്കും. “ എൻറെ അറിവുകളും ഡോക്ടറുടെ രോഗ നിർണയ അറിവുകളും ഒത്തു നോക്കാൻ വരുന്നവരാണ് രോഗികളിൽ ഭൂരിപക്ഷവും. “ ഡോക്ടർക്ക് ഒരു “ സോറി “ പറഞ്ഞാൽ തീരാവുന്നതും മറിച്ച് രോഗം എൻറെ ജീവിനെ ബാധിക്കും എന്നതുകൊണ്ടും ഞാൻ അല്പം ആകാംക്ഷയിലുമാണ്. 20 മിനിറ്റുള്ള കൺസൾട്ടിംഗ് സമയത്ത് ഒരുപക്ഷേ ഒരു ഡോക്ടറിന് രോഗിയെ മുഴുവൻ പറഞ്ഞ് മനസ്സിലാക്കി , അവൻറെ അറിവിനെ തിരുത്താനുള്ള സമയം ഇല്ല എന്നതുകൊണ്ട് അവിടെ എടുക്കുന്ന കമ്മ്യൂണിക്കേഷൻ പലപ്പോഴും രോഗി, ഡോക്ടർ ബന്ധം വഷളാകുന്നുണ്ട്. ഇവിടെ പൊതുമാധ്യമങ്ങൾ ഉപയോഗിച്ചുകൊണ്ട് പൊതുസമൂഹത്തിനെ എഡ്യൂക്കേറ്റ് ചെയ്യാൻ, അറിവ് പകർന്നു നൽകാൻ ഒരു extra effort, രോഗികളോടുള്ള ആശയവിനിമയത്തിലും മാറ്റങ്ങളെ കൊണ്ടുവരുന്നതാണ്. ഒരുപക്ഷേ ഡോക്ടറിനേക്കാൾ കൂടുതൽ രോഗികളുമായി ഇടപഴകുന്നത് നേഴ്സസ് ആണ് . ആ നേഴ്സിൻ്റെ രോഗിയോടുള്ള സമീപനം ബൈസ്റ്റാൻഡേഴ്സിനോടുള്ള സമീപനവും ഒരു ഹോസ്പിറ്റലിന്റെ നടത്തിപ്പിനെ നന്നായി ബാധിക്കുണ്ട് . കാലത്തിന് ഒരുപാട് മാറ്റങ്ങളുണ്ട് ഈ മാറ്റത്തിന് അനുസരിച്ച് ഹോസ്പിറ്റലുകൾ അവരുടെ പ്രവർത്തനരീതി സംസാരശൈലി എന്നിവയിൽ മാറ്റം വരുത്തിയെങ്കിൽ മാത്രമാണ് ഹോസ്പിറ്റൽ പൊതുജനങ്ങൾക്ക് ഏറ്റവും സ്വീകാര്യമായ ഒരു സ്ഥാപനമായി മാറുകയുള്ളൂ. -jp

- JP

ഇന്ന് ഒരു സെയിൽസിന്റെ വിവിധ ഘട്ടങ്ങളിൽ ഏറ്റവും കൂടുതൽ പ്രാധാന്യം അർഹിക്കുന്നത് ആ ഉൽപ്പന്നത്തിന്റെ അവതരണത്തിനകത്തുള്ള പ്രത്യേകതകളാണ് . ഒരു ഉൽപ്പന്നത്തിനെ വ്യക്തമായ രീതിയിൽ കസ്റ്റമറിന്റെ ആവശ്യത്തിലേക്ക് അവതരിപ്പിക്കാനുള്ള കഴിവ് ജീവനക്കാരിൽ ഉണ്ടാകുമ്പോഴാണ് ഒരു സെയിൽസ് പ്രോസസ് നല്ല രീതിയിൽ പര്യവസാനിക്കുന്നത്. ഉൽപ്പന്നത്തിനെ കസ്റ്റമറുടെ മുന്നിൽ അവതരിപ്പിക്കുന്ന സമയത്തിനെ പ്രധാനമായും മൂന്നായി തരംതിരിക്കാം. Part 1 (30%) probing : കസ്റ്റമറിന്റെ ആവശ്യങ്ങളെ മനസ്സിലാക്കാൻ അവരുടെ പ്രശ്നങ്ങളെ മനസ്സിലാക്കാൻ നമ്മൾ എടുക്കുന്ന സമയമാണ് ഈ സമയത്തിലൂടെ കൃത്യമായി ആ കസ്റ്റമറിനെ പഠിക്കാനും കസ്റ്റമറുടെ ആവശ്യം മനസ്സിലാക്കാനും എടുക്കുന്നതാണ്. Part 2 (50%) solution ( FAB ) Features/ advantage / benefits : നിങ്ങളുടെ ആവശ്യത്തിലേക്ക് അല്ലെങ്കിൽ പ്രശ്നത്തിലേക്ക് എങ്ങനെ ഈ ഉൽപ്പന്നം ഉപകാരപ്പെടും അതിന്റെ പ്രത്യേകത എന്താണ് അത് എങ്ങനെ കൂടുതൽ സൗകര്യങ്ങൾ നൽകുന്നു എന്നത് കൃത്യമായി കസ്റ്റമറിലേക്ക് എത്തിക്കുന്നതായിരിക്കണം പ്രോഡക്റ്റിന്റെ അവതരണം. അത് ഉപയോഗിക്കാനുള്ള നോക്കാന്നുള്ള അവസരം കൂടെ കൊടുത്തുകൊണ്ട് ആയിരിക്കണം. Part 3 : ( 20%) urgency of buying now : ഈ ഉൽപ്പന്നം ഇപ്പോൾ ഇവിടെ നിന്ന് വാങ്ങുന്നതുകൊണ്ട് കിട്ടാൻ പോകുന്ന ഗുണങ്ങളെയും അതുപോലെതന്നെ നിങ്ങളുടെ സ്ഥാപനം നൽകുന്ന വിശ്വാസത്തിന്റെയും, നിങ്ങൾ നൽകുന്ന എക്സ്ട്രാ മൂല്യത്തിനെയും പറഞ്ഞുകൊണ്ട് എത്രയും വേഗം അവസാനിപ്പിക്കുന്ന ആയിരിക്കണം സെയിൽസിന്റെ അവസാന ഭാഗമായിട്ടുള്ള സെയിൽസ് ക്ലോസിങ്.